Pakistan ki mashhoor Islami shakhsiyat ne 92 saal ki umar mein dusri shadi kar li — aur ye khabar jaise hi social media par pohnchi, har taraf charcha shuru ho gaya. Log hairan bhi hue aur kai ne is faislay ko unke jazba-e-iman aur sunnat-e-nabvi ki pairwi qarar diya.
Unhon ne media se baat karte hue kaha ke “Shadi Islam ka ek aham hissa hai. Jab tak insaan zinda hai, usay halal tareeqe se apni zaruriyat poori karni chahiye. Main ne ye faisla kisi hawa hawas mein nahi, balkay sunnat aur insani zarurat ke tahat liya hai.”
Is bayan ne logon ke dil jeet liye. Social media par log likh rahe hain ke “Mashallah, ye zinda misaal hai ke Islam har umar mein halal rishton ko tarjeeh deta hai.” Kuch logon ne unki sehat aur himmat ki bhi tareef ki, keh kar ke “92 saal ki umar mein bhi ye jazba sirf ek sacha momin hi rakh sakta hai.”
Unki dusri shadi ne na sirf Islami soch ko mazboot kiya balkay un logon ko bhi jawab de diya jo bari umar mein shadi ko ajeeb samajhte hain. Islam ke mutabiq, agar kisi ki sehat aur zehni halat theek hai to usay nikah karne ka poora haq hai.
Log kah rahe hain ke unka ye faisla ek misaal ban gaya hai — ke zindagi ke kisi bhi morh par, agar niyyat saaf ho aur maqsad halal ho, to Allah Ta’ala madad zarur karta hai.
Nikah sirf jawani ka nahi, zindagi ka amal hai. Islam har umar mein izzat aur haya ke sath zindagi guzarne ka paigham deta hai. Ye waqiya sab ke liye ek yaad-dihani hai ke halal rasta hamesha behtareen hota hai.