Pakistan ki mashhoor actress aur host Fiza Ali ne haal hi mein apne ek interview ke dauran Pakistan ke pehle reality dating show “Lazawal Ishq” par khuli tanqeed ki hai. Fiza Ali ne kaha ke is tarah ke shows hamari maasharti aur saqaafati values ke bilkul khilaf hain aur ye nayi nasal ko galat rukh par le ja rahe hain.
Unhon ne kaha ke Pakistan jaise conservative society mein aise bold aur western style ke programs banana sirf entertainment nahi, balke social norms aur family ethics ke liye khatra hai. Fiza ka kehna tha ke media ko apna kirdar zimmedari se ada karna chahiye aur aise shows ke zariye awam ke zehno ko confuse nahi karna chahiye.
Fiza Ali ne ye bhi kaha ke wo entertainment ke khilaf nahi hain, lekin “Lazawal Ishq” jese reality shows Pakistani culture se match nahi karte. Unhon ne producers aur media institutions se appeal ki ke wo sochain ke unke content ka society par kya asar hota hai.
Social media par Fiza Ali ke is bayan ne mix reactions hasil kiye — kuch log unke saath hain, jabke kuch ne kaha ke society ko modern soch ke sath accept karna chahiye. Lekin aik baat wazeh hai ke Fiza Ali ne jo mudda uthaya hai, wo Pakistan ke entertainment future par ek nayi behas ka darwaza khol raha hai.